Ganpati Trunk Meaning : आपण सगळेच गणेशाची पूजा श्रद्धेने करतो. कोणताही शुभ कार्य सुरू करताना प्रथम पूजले जाणारे हे विघ्नहर्ता, बुद्धीचे देव आपल्या प्रत्येक घरात, ऑफिसमध्ये आणि मंदिरांमध्ये विराजमान असतात. पण तुम्ही कधी विचार केला आहे का की काही गणपतींच्या मूर्तीमध्ये सोंड डावीकडे असते तर काहींमध्ये उजवीकडे? हे केवळ डिझाईनचा भाग नाही, तर यामागे एक गूढ धार्मिक आणि आध्यात्मिक संदेश दडलेला आहे.

डावीकडे सोंड असलेले गणपती – घरासाठी शुभ का?

डावीकडील सोंड असलेले गणपती हे घरासाठी सर्वाधिक शुभ मानले जातात. आपल्या शरीराचा डावा भाग हृदय आणि भावना यांच्याशी संबंधित असतो. म्हणूनच ही मूर्ती सौम्यता, प्रेम आणि शांतीचं प्रतीक समजली जाते.

कुटुंबात सुख-शांती आणते:
अशा मूर्तीची पूजा केल्याने घरात प्रेम, समजूतदारपणा आणि समाधान टिकून राहतं.
वैदिक परंपरेचा प्रभाव:
डावीकडील सोंड असलेला गणपती ही वैदिक परंपरेत समृद्धी आणि स्थैर्याचे प्रतीक मानली जाते.
सामान्य पूजा सोपी:
या स्वरूपात पूजा विधी तुलनेत सुलभ असते आणि दररोज घरगुती पूजा शक्य होते.

हेही वाचा – पूर आला, कोर्ट बुडालं… पण नाव घेऊन न्याय द्यायला पोहोचले ‘शूर’ जज साहेब!

उजवीकडे सोंड असलेले गणपती – मंदिरातच का ठेवले जातात?

उजवीकडील सोंड असलेले गणपती मंदिरांमध्ये, तसेच तांत्रिक पूजा पद्धतींमध्ये पूजले जातात. उजव्या भागाशी शक्ती, आध्यात्मिकता आणि प्रबळ ऊर्जा यांचा संबंध असतो.

शक्तिशाली आणि जाग्रत स्वरूप:
या मूर्तीची उपासना विशेष सामर्थ्य आणि ऐश्वर्य प्राप्त करण्यासाठी केली जाते.
विशेष विधी आवश्यक:
अशा मूर्तीची पूजा करताना विशेष विधी, मंत्र आणि शुद्धतेचे पालन करणे अनिवार्य असते.
सामान्य घरात टाळावी:
चुकीच्या पद्धतीने पूजा झाल्यास दुष्परिणाम होऊ शकतो, म्हणून या मूर्तीला मंदिरात किंवा विशेष साधनांमध्येच स्थान दिलं जातं.