Bengaluru Rapido Harassment : बंगळुरूमध्ये एक अत्यंत धक्कादायक प्रकार समोर आला आहे. एका महिलेनं रॅपिडो बाईक रायडरवर प्रवासादरम्यान तिच्या पायांना स्पर्श करण्याचा प्रयत्न केल्याचा गंभीर आरोप केला आहे. ही घटना गुरुवारी दुपारी सुमारे 4 वाजताच्या सुमारास घडली असून, पोलिसांनी या प्रकरणी एफआयआर दाखल करून तपास सुरू केला आहे.
महिलेनं दिलेल्या तक्रारीनुसार, तिनं या घटनेचा काही भाग मोबाईलवर रेकॉर्ड केला आणि थेट विल्सन गार्डन पोलीस स्टेशनमध्ये जाऊन तक्रार दाखल केली. पोलिसांनी तत्काळ प्रकरणाची नोंद घेत तपास सुरू केला असून, रॅपिडो कंपनीकडून अद्याप अधिकृत प्रतिक्रिया आलेली नाही.
‘भाऊ, काय करताय, असं करू नका!’
इंस्टाग्रामवर आपला अनुभव सांगताना महिलेनं लिहिलं, “मी चर्च स्ट्रीटवरून माझ्या पीजीकडे रॅपिडोवर जात होते. त्या दरम्यान रायडरनं अचानक माझ्या पायांना स्पर्श करण्याचा प्रयत्न केला.”
🚨 "Bhaiya Mat Karo": Bengaluru Woman Says Rapido Driver Grabbed Her Legs! 😱
— Voice Of Bharat 🇮🇳🌍 (@Kunal_Mechrules) November 8, 2025
On Nov 6, a lady booked a bike ride from Church Street to her PG.
The driver touched her legs badly while driving; she begged him to stop but he didn't.
She got off shaking in fear, a man helped… pic.twitter.com/BB9uNYXdvj
ती पुढे म्हणाली, “सगळं इतकं अचानक झालं की मी काही समजून घेण्याआधीच तो प्रसंग घडला. त्यानं पुन्हा तसंच केलं तेव्हा मी थेट म्हणाले, ‘भाऊ, काय करताय, असं करू नका!’ पण तो थांबला नाही.”
महिलेनं सांगितलं की ती पूर्णपणे घाबरली होती. तिला त्या परिसराची ओळख नव्हती, त्यामुळे तिनं रायडरला गाडी थांबवायला सांगितलं नाही, कारण तिला कुठे उतरायचं तेच माहीत नव्हतं.
बघ्याने दिली मदत
गंतव्यस्थानी पोहोचल्यावर, एका व्यक्तीने महिलेला अस्वस्थ पाहिलं आणि काय झालं विचारलं. महिलेकडून प्रकार ऐकल्यावर त्यानं रायडरला सामोरं जाऊन विचारणा केली. त्यावेळी रायडरनं माफी मागितली आणि पुन्हा असं न करण्याचं सांगितलं.
परंतु महिलेनं पुढे सांगितलं की, “तो निघताना माझ्याकडे बोट दाखवत निघाला, ज्या पद्धतीनं त्यानं पाहिलं, त्यामुळे मी आणखी घाबरले. माझ्या सुरक्षिततेबद्दल भीती वाटली.”
“ही पहिली वेळ नाही…”
महिलेनं आपल्या पोस्टमध्ये लिहिलं, “मी ही गोष्ट सांगतेय कारण कोणत्याही महिलेला अशा परिस्थितीतून जावं लागू नये. ना कॅबमध्ये, ना बाईकवर, कुठेही नाही. ही पहिली वेळ नाही की माझ्याबरोबर असं झालं आहे, पण आज मी गप्प राहू शकले नाही, कारण मी खूप असुरक्षित वाटत होते.”
या घटनेनंतर बंगळुरू पोलिसांनी गंभीर दखल घेतली असून, संबंधित रायडरचा शोध सुरू आहे. सायबर सेल आणि ट्रॅफिक युनिटनं एकत्र येऊन आरोपीची ओळख पटवण्यासाठी तपास गतीमान केला आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा