Venezuela Earthquake June 2026 Disaster : काळाचा एक असा घाला ज्याने संपूर्ण देशाला काही सेकंदांत ढिगाऱ्याच्या ढिगाऱ्याखाली गाडून टाकले. निसर्गाच्या महाप्रलयाचा अत्यंत भीषण आणि थरकाप उडवणारा प्रसंग २४ जून रोजी दक्षिण अमेरिकेतील व्हेनेझुएला या देशात ओढवला आहे. एकापाठोपाठ एक आलेल्या दोन अत्यंत शक्तिशाली भूकंपांनी संपूर्ण देशाला एका रात्रीत उद्ध्वस्त करून सोडले असून, यामध्ये तब्बल १ लाख लोकांचा मृत्यू झाल्याची भीती वर्तवण्यात येत आहे. या भीषण नैसर्गिक आपत्तीत शेकडो गगनचुंबी इमारती पत्त्यांसारख्या कोलमडून पडल्या असून, आंतरराष्ट्रीय विमानतळ आणि पायाभूत सुविधांचे अतोनात नुकसान झाले आहे. या घटनेचे समोर आलेले व्हिडिओ पाहून संपूर्ण जग सुन्न झाले आहे.
यू.एस. जिओलॉजिकल सर्व्हेच्या (USGS) अहवालानुसार, व्हेनेझुएलाच्या वेळेनुसार रात्रीच्या सुमारास भूकंपाचा पहिला धक्का बसला, ज्याची तीव्रता ७.१ रिश्टर स्केल इतकी मोजली गेली. पण धक्कादायक बाब म्हणजे, या पहिल्या धक्क्यातून नागरिक सावरत नाहीत तोच, अवघ्या एक मिनिटाच्या आत दुसरा आणि त्याहूनही अधिक तीव्रतेचा ७.५ रिश्टर स्केलचा भूकंप धडकला. या जुळ्या भूकंपांनी देशाची राजधानी कराकससह अनेक राज्यांना अक्षरशः मुळापासून हलवून सोडले.
Over 100000 people lost their lives in Catastrophic earthquake in Venezuela 💔
— Baba Banaras™ (@RealBababanaras) June 25, 2026
One of the biggest natural disaster in human history. pic.twitter.com/Hjdz5fRiQx
प्रत्यक्षदर्शींनी सांगितला थरार
भूकंपाचा केंद्रबिंदू कराकसच्या पश्चिमेला असलेल्या कॅरिबियन किनारपट्टीच्या भागात होता. किनारपट्टीच्या भागात केंद्र असल्याने भूकंपाच्या लहरी अतिशय वेगाने मुख्य शहरांपर्यंत पसरल्या. राजधानी कराकसमध्ये जेव्हा हे धक्के बसले, तेव्हा रात्रीच्या शांततेत अचानक जमीन एखाद्या पाळण्यासारखी हलत असल्याचे नागरिकांना जाणवले. मोठमोठ्या इमारती डावीकडून उजवीकडे डोलू लागल्या आणि काही क्षणातच सिमेंट-काँक्रीटच्या भिंती कोसळू लागल्या.
🚨 #Venezuela में आए भूकंप से एयरपोर्ट पर पैनिक और तबाही का मंजर pic.twitter.com/VfpgQ3qeMh
— Madhurendra kumar मधुरेन्द्र कुमार (@Madhurendra13) June 25, 2026
घटनेच्या वेळी उपस्थित असलेल्या काही प्रत्यक्षदर्शींनी दिलेल्या माहितीनुसार, हा संपूर्ण प्रकार एखाद्या भयानक हॉरर चित्रपटासारखा होता. जमिनीखालून येणारा मोठा गडगडाट आणि लोकांचा आक्रोश यामुळे संपूर्ण वातावरण भयावह बनले होते. अनेकांनी आपल्या आयुष्यात इतका तीव्र आणि विनाशकारी भूकंप कधीही अनुभवला नसल्याचे सांगितले. इमारती कोसळल्यामुळे संपूर्ण शहरात धुळीचे अथांग लोट पसरले होते, ज्यामुळे श्वास घेणेही कठीण झाले होते.
विमानतळ उद्ध्वस्त; दळणवळण यंत्रणा पूर्णपणे कोलमडली
या भूकंपाचा तडाखा देशातील प्रमुख विमानतळांना आणि हायवेजला बसला आहे. धावपट्ट्यांवर मोठ्या भेगा पडल्या असून विमानतळाच्या इमारतींचे छत कोसळल्यामुळे हवाई वाहतूक तात्काळ थांबवावी लागली आहे. यामुळे आंतरराष्ट्रीय पातळीवरून येणारी तातडीची वैद्यकीय आणि बचाव पथकांची मदत पोहोचण्यात अडथळे निर्माण होत आहेत. रस्ते दुभंगल्यामुळे मुख्य शहरांचा संपर्क तुटला असून, दुर्गम भागात नेमकी किती हानी झाली आहे, याचा अंदाज घेणे कठीण झाले आहे.
स्थानिक प्रशासनाने दिलेल्या प्राथमिक अंदाजानुसार, ढिगाऱ्यांखाली अद्याप हजारो लोक अडकलेले असण्याची शक्यता आहे. आपत्कालीन बचाव यंत्रणा, लष्कर आणि स्थानिक स्वयंसेवक युद्धपातळीवर रेस्क्यू ऑपरेशन राबवत आहेत. मात्र, वीजपुरवठा खंडित झाल्यामुळे आणि इंटरनेट सेवा ठप्प झाल्यामुळे मदतकार्यात मोठे अडथळे येत आहेत.
तज्ज्ञांचे विश्लेषण आणि भविष्यातील धोके
भौगोलिक तज्ज्ञांच्या मते, कॅरिबियन प्लेट आणि दक्षिण अमेरिकन प्लेट यांच्यातील अंतर्गत हालचालींमुळे हा भूकंप झाला आहे. एका मिनिटाच्या अंतराने दोन मोठे धक्के बसणे अत्यंत दुर्मिळ आणि भयानक मानले जाते, कारण पहिल्या धक्क्याने कमकुवत झालेल्या इमारती दुसऱ्या धक्क्याने पूर्णपणे कोसळतात. या भूकंपात नेमके हेच घडले आणि त्यामुळे जीवितहानीचा आकडा प्रचंड वाढण्याची शक्यता निर्माण झाली आहे.
या महाविनाशामुळे व्हेनेझुएलामध्ये अभूतपूर्व मानवी संकट निर्माण झाले असून, आंतरराष्ट्रीय समुदायाकडून तातडीने मदत पाठवण्याची मागणी केली जात आहे. ढिगाऱ्याखालून जास्तीत जास्त लोकांना जिवंत बाहेर काढणे हे सध्या बचाव पथकांसमोरील सर्वात मोठे आव्हान आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा