Fake Garlic : भारतीय स्वयंपाकघरात लसूण हा फक्त मसाला नसून प्रत्येक पदार्थाचा ‘चववर्धक साथीदार’ आहे. पण सध्या या लसूणमध्येच दडला आहे एक मोठा धोका! बाजारात वाढत चाललंय बनावट लसूण विक्रीचं प्रमाण, आणि त्याची ओळख करणे सोपं नाही. दिसायला टवटवीत, गुळगुळीत आणि शुभ्र वाटणारा हा लसूण खरं तर कृत्रिम बनावट उत्पादन असू शकतो, जो तुमच्या आरोग्यासाठी घातक ठरू शकतो.
लसूणमधील वाढती बनावटगिरी
अलीकडच्या काही वर्षांत बाजारात नकली लसूणची भरमार झाली आहे. मंडईत दिसणारा हा ‘अस्सलसदृश’ लसूण खरेदीदारांना सहज फसवतो. मंडई तज्ज्ञांच्या मते, बनावट लसूणमध्ये औषधी गुणधर्म अजिबात नसतात, उलट त्याचा दीर्घकाळ वापर केल्यास पचनसंस्थेवर, यकृतावर आणि मूत्रपिंडांवर विपरित परिणाम होऊ शकतो.
रंग आणि बनावटपणावरून ओळख
खरा लसूण किंचित पिवळसर किंवा ऑफ-व्हाईट रंगाचा असतो. त्याच्या साली थोड्या खडबडीत व नैसर्गिक वाटतात. उलट बनावट लसूण अतिशय शुभ्र, गुळगुळीत आणि प्लास्टिकसारखा वाटतो. त्याला हात लावताच कृत्रिमपणा जाणवतो, जो त्याच्या बनावटपणाचा स्पष्ट पुरावा आहे.
हेही वाचा – चेर्नोबिलमध्ये दिसले निळे कुत्रे! रेडिएशनचा परिणाम की काही रहस्यमय केमिकलचा खेळ?
वजन आणि आकार सांगतात सत्य
खरा लसूण नेहमीच किंचित जड असतो, आणि त्याच्या पाकळ्या मध्यम आकाराच्या असतात. बनावट लसूण मात्र आकाराने मोठा, एकसमान व वजनाने खूप हलका असतो. त्यामुळे खरेदी करताना वजन आणि आकाराचा नीट अभ्यास करणे महत्त्वाचे आहे.
सुगंधावरून खरी ओळख
लसणीचा खरा सुगंध तीव्र आणि दूरवर जाणवणारा असतो. जर लसूण निष्प्राण, मंद किंवा गंधहीन वाटत असेल, तर तो बहुधा नकली लसूण आहे. खरी लसूण इतकी तीव्र सुगंधित असते की तिचा वास अंतरावरूनही सहज कळतो.
मुळांकडे पाहा, सत्य दिसेल
अस्सल लसणीच्या मुळांमध्ये बारीक आणि भरपूर केसांसारखे रेशे असतात, तर बनावट लसणीच्या मुळ्या जाड व कमी प्रमाणात असतात. या सूक्ष्म फरकानेही खरे-खोटे लसूण ओळखता येतात.
चायनीज लसणीपासून सावध!
बाजारात विकली जाणारी बहुतेक बनावट लसूण “चायनीज गार्लिक” म्हणून ओळखली जाते. या लसणीच्या निर्मितीत केमिकल्स आणि कीटकनाशकांचा मोठ्या प्रमाणावर वापर केला जातो. त्यामुळे ती दिसायला आकर्षक असली तरी शरीरासाठी जहरीली आणि घातक ठरू शकते.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा