IPL 2024 RCB vs SRH : आयपीएलच्या 30व्या सामन्यात सनरायझर्स हैदराबादने विक्रमी धावसंख्येच्या जोरावर रॉयल चॅलेंजर्स बंगळुरूचा 25 धावांनी पराभव करत चौथा विजय मिळवला. हा सामना आरसीबीच्या होम ग्राउंड एम चिन्नास्वामी स्टेडियमवर खेळला गेला. या सामन्यात सनरायझर्स हैदराबादने स्पर्धेच्या इतिहासातील सर्वोच्च धावसंख्या उभारली. प्रत्युत्तरात आरसीबीने विजयाची नोंद करण्याचा सर्वतोपरी प्रयत्न केला, परंतु अखेरीस संघ 25 धावांनी मागे पडला आणि त्यांना सलग पाचव्या पराभवाला सामोरे जावे लागले. आरसीबीचा हा सात सामन्यातील सहावा पराभव आहे.
कर्णधार फाफ डुप्लेसिस आणि दिनेश कार्तिक यांच्या शानदार खेळीनंतरही आरसीबी संघ सनरायझर्स हैदराबादविरुद्ध विजय नोंदवू शकला नाही. प्रथम फलंदाजी करताना हैदराबादने ट्रॅव्हिस हेडचे शतक आणि हेनरिक क्लासेनच्या अर्धशतकाच्या जोरावर 20 षटकांत 3 बाद 287 धावा केल्या. आयपीएलच्या इतिहासातील ही सर्वात मोठी धावसंख्या ठरली. प्रत्युत्तरात आरसीबीनेही शानदार फलंदाजी केली, परंतु लक्ष्य इतके मोठे होते की संघ 25 धावांनी मागे राहिला. आरसीबीला 20 षटकात 7 विकेट्सवर केवळ 262 धावा करता आल्या. दोन्ही संघांमधील या सामन्यात एकूण 549 धावा झाल्या. सनरायझर्स हैदराबादकडून कर्णधार पॅट कमिन्सने 43 धावांत 3 बळी घेतले.
हेही वाचा – IPL 2024 : दिनेश कार्तिकने ठोकला यंदाच्या आयपीएलचा सर्वात मोठा षटकार! पाहा Video
कार्तिकने 35 चेंडूत 83 धावांची धाडसी खेळी खेळून आरसीबीला अनपेक्षित विजय मिळवून देण्याचा प्रयत्न केला, मात्र त्याला यश आले नाही. आरसीबी गुणतालिकेत तळाच्या 10व्या स्थानावर आहे. त्याचबरोबर या शानदार विजयासह हैदराबादचा संघ आठ गुणांसह चौथ्या स्थानावर आहे.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा